Pitzinna istes in domo

fintzas a sas battoro,

in fora b'este sa mama 'e su sole.



A chent’ottanta grados,

ruju che una cariasa,

ti poden salvare solu sos chercos.



Andamus a drommire,

amus a iscurtare

chigulas chertende in mesu a unu melu,

su coro 'e Limbara chi alena in su chelu.



Iscur'a tie, iscur'a chie

non cres' in sa mama 'e su sole.

A mesudie, beranu e istiu,

fora b'est sa mama 'e su sole.



Pitzinnu istes in domo

e tancas sas ventanas,

infora b'este sa mama 'e sa luna.



A chent'ottanta grados

gialla che unu limone,

ti poden salvare solu “sos ferros”.



Andamus a drommire,

amus a sonniare

un'atteru tempu, un’attera vida

cand'onzi pitzinnu, unu pitzinnu, fidi.



Iscur'a tie, iscur'a chie

non cres'in sa mama 'e su sole.

Iscur'a tie, iscur'a chie

non cres'in sa mama 'e su sole.