Una die ‘e nie

in su coro ‘e sa Sardinia,

un’atera die

chena sa cara mia,

unu seru ‘e nie

e “chi s’urtimu siat” ,

una notte ‘e nie.



Sas zente riet

in Orgosolo, in Orune

L’intendo a chie,

preghende pro niune,

est intr’a mie

amigu che unu cane.

Una die ‘e nie.



Sa festa, sa festa, sa festa

est cumprida sa festa

prima ‘e cumintzare,

pro chie non podet cantare.



Santu Jubanne,

de sa barbagia re,

m’est cunsizande

a micche falare.

Santu Jubanne,

de sa barbagia re,

in custa die ‘e nie.



Su ‘entu trazat

oghes ‘e allegria

in custa cussorza

bianca de traschia,

su ‘entu trazat

fintizas a innoe, Maria,

in custa die ‘e nie.



Sa festa, sa festa, sa festa

est cumprida sa festa

prima ‘e cumintzare,

pro chie non podet cantare.



Una die ‘e nie

in su coro ‘e sa Sardinia (a nois, sos peccadores)

un’atera die

chena sa cara mia,

unu seru ‘e nie

e “chi s’urtimu siat”

una notte ‘e nie. (nos perdonet).



Sa festa, sa festa, sa festa

est cumprida sa festa

prima ‘e cumintzare,

pro chie non podet cantare.