Unu pitzinnu curre a ped’iscalzu,

gai mandica cocone chena aunzu.

Niunu intende, mancu sas bamas,

niunu intende, mancu sas sidas.



Si frimma ei tragada chirchende fruas,

su ‘entu raet sas peutas suas.

Niunu intende s’oche dechida,

Niunu intende sa foghe calida.



Chin cussa cara fresada ei ruja, issu goi,

ojos che pojos ei neos che isteddos, est goi…

Brinchende,cantende,ballende,riende,

su mundu ad innanti che colet.

Su criu chi curret, anniju gioghende,

chirchende unu pacu ‘e amore.

Niunu intende, niunu intende,

su mundu colet, niunu intende…



Passat una pitzinna frantziscana,

issu la idet gai, simple, galana.

Issu l’intende, s’oche dechida,

issu l’intende, sa foghe calida.

Brinchende naes e cantende forte

e pensat a unu donu de sa sorte.

Issu l’intende, s’oche dechida,

issu l’intende, sa foghe calida



Chin cussas laras fresadas ei rujas, est goi,

ojos che pojos ei neos che isteddos, est goi…

Brinchende, ballende, cantende, riende,

su mundu ad innanti che colet.

Unu criu, una cria, annijos currende,

chirchende unu pacu ‘e amore.

Niunu intende, nos do-nos dolet,

su mundu colet, niunu intende…



Brinchende,ballende,cantende,riende,

su mundu ad innanti nos colet.

Unu criu, una cria, annijos currende,

chirchende unu pacu ‘e amore.

Niunu intende, niunu intende,

su mundu colet, niunu intende…