'E CCERASE:

Aprile Aprile mmieze 'e fronne 'e rose,
Vaco vennènno 'o frutto e chistu mese,
Cacciàte 'a capa fèmmene cianciòse,
Je dongo 'a voce e vùje facìte 'a stesa...

Frutto nuvìello de mese e pàravìse,
Collera n'ncuorpo a nuje nun nce ne tràse,
'E ccerase 'e ccerase.

L'anno passàto, 'o tièmpe d' 'e ccerase,
Facèvo ammòre, cù 'na Purticèse,
Abbasci'o 'o Granàtiello stèva 'e case
E a chiammàvano Rosa Vrucculosa...

...Belli tiempe,
De lacreme e de vase..

Ogni lacrema
Quanto a 'na cerasa,
Ogni ccinque minùte era 'nu vase,
'E ccerase 'e ccerase.

Mò c'aggia fà, se sò ccagnàte 'e cose,
E m'ha licènziato chella mpèsa,
E' arrivàto nù legno Genuvèse
E 'o capitàno ha ditte ca s'à spòsa.

Capitàno
De legno Genuvèse,
Addò t'à puòrte 'a bbella purticèse?
'E ccerase.

Cacciàte 'a capa fèmmene cianciòse
Je dongo 'a voce e vuje facìte 'a stèsa
'E ccerase 'e ccerase, Aprile è 'o mese
E une se scorde meliune 'e cose...

Capitàno
De legno Genuvèse...
A mme nùn me ne 'mporta ca t'à spuse,
Me daje 'na voce a n'àtu pare 'e mise,
'E ccerase.

A mme nùn me ne 'mporta ca t'à spuse,
Me daje 'na voce à n'àtu pare 'e mise,
'E ccerase,
'E ccerase,
'E .....ccerase.


(Grazie a Tixianne per questo testo)

Thanks to (Tixianne) for correcting these lyrics. Jan 7, 2008